ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានលើកឡើងថាកម្ពុជានឹងរៀបចំព្រឹត្តិការណ៍អង្គរសង្ក្រានឡើងវិញនៅឆ្នាំ២០២៣ ក្នុងពេលចូលឆ្នាំខ្មែរ ខែមេសា ឆ្នាំ២០២៣ ខាងមុខ។
ថ្លែងក្នុងពិធីបិទកីឡាជាតិលើកទី៣ និងកីឡាជនមានពិការភាពលើកទី១ នៅពហុកីឡដ្ឋានជាតិមរតកតេជោ សម្ដេចតេជោ ហ៊ុន សែន បានថ្លែងថា៖ «ចូលឆ្នាំខ្មែរ២០២៣ យើងនឹងធ្វើអង្គរសង្ក្រាន្តសារជាថ្មី នោះសង្ឃឹមថា កីឡាល្បុក្កតោនិងក្លាយជានិមិត្តរូបរបស់យើងនាពេលនោះ»។
ព្រឹត្តិការណ៍អង្គរសង្ក្រានត្រូវបានរៀបចំឡើងជាដំបូងក្នុងឆ្នាំ២០១៣ ដែលបានបន្តរហូតដល់ឆ្នាំ២០១៩ ក្នុងខេត្តសៀមរាប៕